14, ოქტომბერი 2020 17:25:00
“ერთმნიშვნელოვნად შეეშალა აღნიშნულ თანამდებობის პირს და ვნახოთ რამდენად უშველის ბოდიში. ეს არის ჩემი პასუხი” – განაცხადა აჭარის მთავრობის თავმჯდომარემ ხელვაჩაურის მერზე დასმული კითხვის საპასუხოდ. თორნიკე რიჟვაძემ ეს განცხადება ტელეკომპანია იმედის ეთერში გააკეთა, თუმცა ჟურნალისტს ინტერვიუს დროს დამატებითი კითხვები არ გასჩენია, თუ რას გულისხმობდა მთავრობის თავჯდომარე. ეთერში კითხვა არც ჯუმბერ ვარდმანიძის უკანონო მშენებლობაზე დასმულა. საზოგადოების მწვავე კრიტიკის მიუხედავად, აჭარის მთავრობაში ოფიციუალური განცხადება ამ დრომდე არ გაკეთებულა. ბიძინა ივანიშვილის მთავრობა სახელისუფლებო მედიის გარდა ინტერვიუზე არავის თანხმდება. შეგახსენებთ, ინტერნეტგამოცემა "ბათუმელების" ჟურნალისტს კრიტიკული შეკითხვების გამო, ხელვაჩაურის მერმა აგინა.