კიდევ ერთი საპროტესტო აქცია გაიმართა ბათუმში. ფიროსმანის ქუჩის 35 ნომერში მცხოვრებლებმა სახურავის შეცვლა და სადარბაზოების მოწესრიგება მოითხოვეს. ირწმუნებიან, რომ უამინდობისას კორპუსთან ერთად, ბინებიც სველდება. შეკრებილთა მტკიცებით, მერიაში წერილობითი მოთხოვნაც დააყენეს, თუმცა პასუხად მხოლოდ უარი მიიღეს. თეო ფუტკარაძე მუშაობს თემაზე.
ბათუმში, ფიროსმანის 35 მაცხოვრებლები დღეს საპროტესტოდ მერიის პასუხმა გამოიყვანა. ისინი, უკვე ძალიან დიდი ხანია საცხოვრებელზე სახურავის განახლებას ითხოვენ, თუმცა პასუხად უარი მისდით, არადა ყოველი უამინდობისას, სადარბაზოსთან ერთად წვიმის წყალი, საცხოვრებელ ბინებშიც ჩადის.
კოროპუსის მაცხოვრებლები სადარბაზოს მოწესრიგებასაც ითხოვენ. ამბობენ, რომ სიძველისგან, კედლები დაბზარულია, კიბე კი ჩავარდნილი. მუდმივი ნესტისგან დგას სუნი. აწუხებთ მწერებიც.
ფიროსმანის 35-ში მცხოვრებლებს შიდა ეზოს მოწესრიგებაც სურთ. ამბობენ, რომ მერიამ კანალიზაციისა და წყალარინების მილების გაყვანის შემდეგ, ასფალტის საფარი აღარ დააგო.
რატომ არ ცვლის სახურავს ბათუმის მერია კონკრეტულ მისამართზე, ინფრასტრუქტურის სამსახურში გვეუბნებიან, რომ მაცხოვრებლების ნაწილს, სახურავი საკუთარი ბინის თავზე, დამოუკიდებლად აქვს გამოცვლილი, ამიტომ, თუ კი შეთანხმდებიან და მას მოშლიან, მერია ხოლოდ ამ შემთხვევაში უზრუნველყოფს თანადაფინანსებით, ერთიან გადახურვას. Kfw-ს პროექტის ფარგლებში, მერია დებს პირობას, რომ ეზოს კეთილმოწყობას წლის ბოლომდე დაასრულებენ. რაც შეეხება სადარბაზოს განახლებას, ამ ნაწილში თვითმმართველობა პასუხისმგებლობას ამხანაგობას აკისრებს.
ფიროსმანის 35 ნომერში მდებარე კორპუსში, დაახლოები 50 ოჯახი ცხოვრობს.
2
s
s
s