თითქმის ერთი წელია მსოფლიო პანდემიას ებრძვის. კოვიდ 19-მა ადამიანების ცხოვრება გაართულა, ეს კი ყოველი ჩვენგანის ყოველდღურ ცხოვრებაში, ყოველი ფეხის ნაბიჯზე ჩანს. თავი იჩინა ათასმა პრობლემამ: დოლარი გაძვირდა, ლარი კი გაუფასურდა. ამან მკვეთრად გააუარესა სოციალური ფონი და ეკონომიკური მდგომარეობა. როგორ ცხოვრობენ ადამიანები ბათუმში? ია გოლიაძე გიამბობთ
ეს ბოლო თვეების რეალობაა. რეალობა პანდემიიდან, რომელსაც არავინ ელოდა და შესაბამისად, გამკლავება ყველას უჭირს. დოლარის ნიშნული მაქსიმუმზეა, ეროვნული ვალუტა კი ყოველდღურად კვდება. ფასები გარბის. ქუჩებში ერთი გავლითაც შენიშნავთ, რომ ვირუსმა სახელად „კორონა“, ყველაფერი თავდაყირა დააყენა და ადამიანების სოციალური მდგომარეობა კიდევ უფრო დაამძიმა.
კორონაისტერია მოქალაქეებში პიკს აღწევს. ადამიანებს აქვთ ხვალინდელი დღის შიში. შიში, რომ ერთ დღესაც დაკარგავენ სამსახურებს და ვეღარ შეძლებენ ოჯახების რჩენას.
ცხოვრებამ ნიღბების მიღმა, შეცვალა ადამიანების დღის წესრიგი, ყოველდღიურობა, განწყობები და გაუჩინა ხალხს უფრო მეტი საზრუნავი.
ეს ლევან თურმანიძეა. 65 წლის კაცი. მისი ყოველღიურობა წლებია აქ იწყება. ხანდაზმულის ისედაც მცირე შემოსავლები პანდემიამ გაანახევრა. სახლში ლამის ცარიელი ხელებით ბრუნდება.
ასეთებს ბათუმის ქუჩებში მრავლად შეხვდებით. ხელისუფლების კორონა პოლიტიკით უკმაყოფილო მოქალაქეები მთავრობისგან უბრალოდ, შველას ითხოვენ. ბევრმა კი რწმენაც დაკარგა.
ვიდრე ხელისუფლება არჩევნებში გამარჯვებას ზეიმობს, ბათუმის ქუჩებში დადიან ადამინები, რომლებსაც პურის და წამლის ფული არ აქვთ. ადამიანები, რომლებმაც არ იციან ხვალ რა ელით და არც ის იციან, ვისი დახმარების იმედად უნდა იყონ.
1
s
s
s