გიორგი მანველიძე, ირაკლი ჭეიშვილი, დავით თედორაძე, ვლადიმერ მგალობლიშვილი და დავით ბაციკაძე- ეს იმ ადამიანების ჩამონათვალია, რომლებიც მომდევნო მოწვევის უმაღლეს საბჭოში მოხვდებიან. კიდევ უფრო გრძელია იმ პოლიტიკოსების სია, რომლებმაც, როგორც ჩანს, „ქართულ ოცნებაში “ გადაწყვეტილების მიმღებ პირთა სათანადო სიმპატია ვერ დაიმსახურეს და შესაბამისად, 20-20-ის არჩევნებზე მათთვის მმართველი გუნდის მიერ წარდგენილ პარტიულ სიაში ადგილი ვერ მოიძებნა.
აჭარის უმაღლეს საბჭოს მალე ახალი შემადგენლობა ეყოლება. ჯერ კიდევ მოქმედი დეპუტატებიდან, მმართველმა გუნდმა, კანდიდატთა პარტიულ სიაში გიორგი მანველიძე, ირაკლი ჭეიშვილი, დავით თედორაძე, ვლადიმერ მგალობლიშვილი და დავით ბაციკაძე წარადგინეს. რას აპირებენ პოლიტიკის მიღმა დარჩენილი დეპუტატები? ვახტანგ წულაძე, რომელიც აგრარულ და გარემოს დაცვის საკითხთა კომიტეტის თავმჯდომარეა, ამბობს, რომ ჯერ არ აქვს გადაწყვეტილი დარჩება თუ არა პოლიტიკაში. თუმცა, მისივე თქმით, მმართველი გუნდისგან ორი სახის შეთავაზება აქვს, რასაც არ აკონკრეტებს. რატომ დატოვა მმართველმა გუნდმა თამაშგარეთ? წულაძის განმარტებით, უმაღლეს საბჭოში ყოფნა არცერთი ადამიანის თვითმიზანი არ უნდა იყოს.
კიდევ ერთი წევრი, რომელიც უმაღლესი საბჭოს კანდიდატთა პარტიულ სიაში ვერ მოხვდა გიორგი რომანაძეა. როგორც აღმოჩნდა, რომანაძე საკუთარ თავს სამომავლოდ, კერძო სექტორში ხედავს. თუმცა, მისივე განმარტებით, „ქართული ოცნების“ წევრად რჩება.
აქტიურ საზოგადოებრივ-პოლიტიკურ სივრცეში რჩება, თუმცა არა რომელიმე პოლიტიკურ პარტიაში აჭარის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის თავმჯდომარე. როგორ ნინო ჩხეტიამ განმარტა, ეს არის ადგილი, სადაც ადამიანებს, პირადი სოციალური უზრუნველყოფისათვისათვის, სართულიდან სართულზე დაატარებენ.
კანდიდატთა პარტიულ სიაში ვერ მოხვდა ვერც აჭარის უმაღლესი საბჭოს თავმჯდომარის მოადგილე. მერაბ კარანაძის თქმით, იგი კვლავ „ქართული ოცნების“ წევრად რჩება, ამ ეტაპზე კი სამომავლო საქმიანობასთან დაკავშირებით, მასსა და მმართველ გუნდს შორის კონსულტაციები მიმდინარეობს.
პარტიული სიის მიღმა დარჩა აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ნუგზარ სურმანიძე, ასევე საფინანსო-საბიუჯეტო და ეკონომიკურ საკითხთა კომიტეტის თავმჯდომარის მოადგილე ხვიჩა შარაშიძე. რას გეგმვენ სამომავლოდა და რჩებიან თუ არა პოლიტიკაში? საბჭოს წევრებმა დღეს, ჩვენს სატელეფონო ზარებს არ უპასუხეს.
4
s
s
s