13, ნოემბერი 2020 21:15:00
ოპოზიციური პარტიების ორგანიზებით, ბათუმში, საპროტესტო აქცია დღესაც განახლდება. მოთხოვნები უცვლელია, ხელახალი არჩევნების ჩატარება და ცესკოს თავმჯდომარის გადადგომა. მომიტინგეები მასშტაბურ საპროტესტო აქციას კვირას 17 საათზე აანონსებენ. აჭარის მთავრობის სახლთან, კარვები 5 დღის წინ გაშალეს. მოქალაქეები ოპოზიციურ ლიდერებთან ერთად, კომენდანტის საათს ისევ არღვევენ და აქციას არც ღამით ტოვებენ.