20, ნოემბერი 2020 17:18:00
ბათუმში, მუნიციპალურ ელექტროავტობუსებში თერმოსკრინინგის აპარატები დამონტაჟდა. როგორც ბათუმის მერიის პრესსამსახურის მიერ გავრცელებულ განცხადებაშია აღნიშნული, თერმოსკრინინგის შედეგის გაგება შესაძლებელია როგორც მონიტორის, ასევე ხმოვანი საშუალებით. თერმოსკრინინგის ჩატარების შესახებ მგზავრთა ინფორმირება ყოველ გაჩერებაზე ავტომატურ რეჟიმში მოხდება. პროექტი საპილოტეა და სატესტო რეჟიმის გავლის შემდეგ, მოწყობილობით, ყველა ავტობუსი აღიჭურვება.