სოციალურად დაუცველები ელექტროენერგიის გარეშე. სოფელ ზედა ლეღვაში, გორჯელაძეები 1 წელია ცხოვრობენ, თუმცა ელექტროგაყვანილობა ამ დრომდე არ აქვთ. მიუხედავად არაერთი მოთხოვნისა, რეალობა მაინც უცვლელია. არადა ქობულეთის მერია ირწმუნება, რომ ოჯახს „ენერგო- პრო-ჯორჯიასთან“ შუამდგომლობენ.
გორჯელაძეები, სოფელ ზედა ლეღვაში რვა თვის წინ დასახლდნენ. მიწა, სოფლის ბოლოში იყიდეს, ხის სახლი ააშენეს და ცხოვრება დაიწყეს. უბედურება კი იმაშია, რომ თითქმის ერთი წლის მოსახლეს, ელექტროენერგია დღემდე არ აქვს. იქ, სადაც გორჯელაძეები დასახლდნენ, ელექტროგაყვანილობა არ არის.
გორჯელაძეები, სოციალურად დაუცველთა ბაზაში ირიცხებიან. მათი შემოსავალი თვეში 150 ლარს ითვლის. ოჯახში, სადაც უკიდურესი სიღატაკეა, ერთი წლის გაბრიელი იზრდება.
ქობულეთის მერიაში გვარწმუნებენ, რომ ოჯახის აბონენტად დარეგისტრირებისთვის, „ენერგო- პრო-ჯორჯიასთან“ შუამდგომლობენ. მანამდე კი კომპანიამ სოფლის ბოლოში, გადამცემი ხაზი უნდა გაიყვანოს.
„ენერგო პრო -ჯორჯიაში“ ამბობენ, რომ კანონმდებლობით უწყება მოკლებულია შესაძლებლობას, მსგავსი პროექტი განახორციელოს, თუმცა, ამ შემთხვევაში, სავარაუდოდ გამონაკლისს დაუშვებს. რა ვადა დაჭირდება სამუშაოებს, კომპანაში ვერ აკონკრეტებენ.
3
s
s
s