აჭარის მთავრობის თავმჯდომარეობის კანდიდატმა, ერთპარტიულ უმაღლეს საბჭოს მომდევნო 4 წლის სამოქმედო გეგმა და სამთავრობო გუნდი წარუდგინა. წარმომადგენლობითი ორგანო უცვლელი სახეებით დაკომპლექტდა. კომიტეტებმა დღეს, მინისტრობის კანდიდატებსაც მოუსმინეს. ერთი გუნდი წევრებმა ერთმანეთს კრიტიკული კითხვა არ დაუსვეს. შესაბამისად, არც განსხვავებული აზრი გამოთქმულა. მეტიც, დეპუტატები, თორნიკე რიჟვაძეს, მადლობებს უხდიდინენ. სხდომაზე საბჭოს წევრებმა ძირითადათ, იმ პროგრამების გარშემო ისაუბრეს, რაც ბიუჯეტში უკვე გაწერილია და მალე ამოქმედდება. სხდომის დასრულების შემდეგ, თორნიკე რიჟვაძემ ჟურნალისტების კითხვებს თავი აარიდა და საბჭოს შენობა კომენტარის გარეშე დატოვა.
მადლობა ბატონ თორნიკეს, ბრწყინვალე პროგრამაა, მადლობა “ქართული ოცნების” მთავრობას”- ერთპარტიულ უმაღლეს საბჭოში დეპუტატები კითხვის დასმამდე, მთავრობის თავმჯდომარეობის კანდიდატის, მიმართ მადლიერებას ასე გამოხატავდნენ. განსხვავებული აზრი, წინანდება, შენიშვნა ან კრიტიკული კითხვა არ ისმოდა. კითხვებს, იმ პროგრამების გარშემო სვამდნენ, რაც ბიუჯეტში გაწერილია და მალე ამოქმედდება.
დისტანციური სწავლების კუთხით, შეკითხვა განათლების კომიტეტის თავმჯდომარეს ჰქონდა. დავით ბაციკაცემ მაღალმთიანეთში ინტერნეტის ხელმისაწვდომობაზე გაამახვილა ყურადღება.
ერთპარტიული უმაღლესი საბჭოს, დამოუკიდებელ წევრს, შეკითხვა არ ჰქონია თუმცა, აჭარის მთავრობის პროგრამაზე აღფრთოვანება ვერ დამალა. ირაკლი ჩავლეიშვილმა სხდომაზე აღნიშნა, რომ იგი მთავრობის მიერ განსახორციელებელი პროგრამების "მოდარაჯე" იქნება.
სასურსათო კალათების შესაძენად აჭარის მთავრობის სარეზერვო ფონდიდან 367 332 ლარი დაიხარჯება. პირველადი მოხმარების პროდუქტი 30 000-მდე ოჯახისთვისაა გათვალისწინებული.
2021-დან 2024 წლამდე აჭარაში 6 სკოლა აშენდება, რისთვისაც ბიუჯეტიდან 40 მილიონ ლარზე მეტი დაიხარჯება. შეხვედრაზე ითქვა, რომ ასევე, გაგრძელდება განათლების ქალაქის მშენებლობა და ახალი საგანმანათლებლო სივრცეების შექმნა.
აჭარის მთავრობა, მომდევნო წელსაც დახარჯავს ფულს წყლისა და მიწისქვეშა კომუნიკაციების გამართვისთვის. 2021 წლის გეგმის ნაწილია გაზიფიცირების გაგრძელება, შემდეგ წელს უნდა დასრულდეს მყარი ნარჩენების მართვის პროექტიც.
აჭარის მთავრობის ახალი შემადგენლობის ასარჩევად ერთპარტიული უმაღლესი საბჭო ხვალ, შეიკრიბება.
7
s
s
s