ადამიანური კაპიტალი ქვეყნის განვითარების ერთ-ერთი მნიშვნელოვანი რესურსია. მისი წინსვლა და წარმატება კი მიღებული ცოდნის ხარისხზე გადის. პროცესში ფუნდამეტურია და განსაკუთრებული მნიშვნელობა საგანმანათლებლო სისტემის ინტერნაციონალიზაციას ენიჭება. ეს კი სტუდენტების, აკადემიური პერსონალისა და კადრების, საერთაშორისო მობილობის გულისხმობს. რამდენად ხელმისაწვდომია უცხოური განათლება საქართველოს მოქალაქეებისთვის? სახელმწიფო აუდიტის სამსახურმა ამ მიმართულებით საქართველოს განათლების სამინისტროს სტრატეგია შეისწავლა. მაკონტროლებელი წერს, რომ „განათლების საერთაშორისო ცენტრი“ ფუნქციებს სათანადოდ ვერ ასრულებს.
სოფო ერთ-ერთია, ვინც უცხოეთში ცოდნის გაღრმავება მაგისტრის მიმართულებით ისურვა. გადაწყვეტილება გასულ წელს მიიღო და ქვეყანაც მარტივად შეარჩია. უნგრეთში სასტიპენდიო პროგრამაში მონაწილეობის მისაღებად დოკუმენტაციის მომზადებაც დაიწყო, თუმცა პროცედურების მიყვანა ბოლომდე ვერ შეძლო. ამბობს, რომ განათლების საერთაშორისო ცენტრის მიერ გამოცხადებული საგრანტო კონკურსების შესახებ ინფორმაცია ხშირ შემთხევაში ბუნდოვანია.
განათლების საერთაშორისო ცენტრი 2014 წელს იმ მისიით შეიქმნა, რომ საქართველოს განათლების, კულტურისა და სპორტის სამინისტროს მიერ დაგეგმილი „საზღვარგარეთ განათლების მიღების ხელშეწყობის ქვეპროგრამა“ ემართა. მიზანი საერთაშორისო სტანდარტების შესაბამისი უნარებისა და ცოდნის მქონე კადრების მომზადება იყო. 2018 წლამდე, როგორც ორგანიზაციის ოფიციალურ ვებ-გვერდზე ვკითულობთ, უცხოეთში სწავლის მსურველ საქართველოს მოქალაქეებზე ჯამში 850 სტიპენდია გაიცა.
ცენტრის საქმიანობა სახელმწიფო აუდიტის სამსახურმა შეისწავლა. მაკონტროლებელი წერს, რომ ხარვეზები რამდენიმე მიმართულებით არსებობს. დასკვნაში აღნშულია, რომ ხარჯები არამიზნობრივად იხარჯება.
პროგრამა მის ძირითად მიზანთან, რომ წინააღმდეგობაში მოდის, ამაზე განათლების ექსპერტებიც საუბრობენ. სიმონ ჯანაშია მიიჩნევს, რომ თუ კი დაფინანსებული სტუდენტი უკან არ ბრუნდება, ეს იმის გამო ხდება, რომ სახელმწიფოს სამოტივაციო მექანიზმი არ აქვს.
რატომ არ მონაწილეობს საქართველოს განათლების სამინისტრო პრიორიტეტული მიმართულებების განსაზღვრაში ან რატომ არ სწვალობს უწყება ცენტრის საქმიანობას და გახარჯული თანხების ეფექტურობას? „TV 25“-ის კითხვები სამინისტროში უპასუხოდ დატოვეს და განათლების საერთაშორისო ცენტრში გადაგვამისამართეს, სადაც მხოლოდ წერილობითი განმარტება გააკეთეს.
5
s
s
s