06, აპრილი 2021 17:45:00
ორგანიზაცია „ალტერნატივას“ აქტივისტის ცემის ფაქტზე პოლიციამ 24 წლის მამაკაცი დააკავა. გამოძიების ინფორმაციით, დაკავებულმა ირაკლი ფანგანს ჯერ სიტყვიერი, შემდეგ კი ფიზიკური შეურაცხყოფა მიაყენა. დანაშაული 1 წლამდე ვადით პატიმრობას ითვალისწინებს. აქტივისტს ფიზიკურად ორი დღის წინ პარლამენტის მიმდებარე ტერიტორიაზე გაუსწორდნენ. შეგახსენებთ, ფანგანი ის პირია, რომელმაც ბათუმში, დეპუტატ ირაკლი ჩავლეიშვილს, რამდენიმე თვის წინ, თავზე ნაგავი დააყარა.