06, აპრილი 2021 17:15:00
ირაკლი ღარიბაშვილმა ქვეყნის განვითარების და რეფორმების საბჭო შექმნა. მას, სწორედ, პრემიერ-მინისტრი უხელმძღვანელებს. მთავრობის ადმინისტრაციის ინფორმაციით, საბჭოს მიზანი, მიმდინარე წლის 31 მაისამდე, საქართველოს მთავრობისთვის ქვეყნის განვითარების ათწლიანი გეგმის წარდგენაა. ახლად შექმნილი საბჭოს წევრები მინისტრები, დეპუტატები და სხვა ოფიციალური პირები იქნებიან. სამუშაო პროცესში, საჭიროების შემთხვევაში, შესაბამისი სფეროს სპეციალისტები, ექსპერტები და კერძო სექტორის წარმომადგენლებიც ჩაერთვებიან.