11, ივლისი 2017 14:05:00
თვითნებურად დაკავებული ტერიტორიები 40-მდე ოჯახს დაურეგისტრირდა. აჭარის ფინანსთა და ეკონომიკის სამინისტროში ამ ეტაპზე 100-მდე განცხადებაა შესული, რომლებიც შესწავლის პროცესშია. საქმე 2010 წლამდე აჭარაში სხვადასხვა ტერიტორიაზე თვითნებურად დაკავებული ობიექტების საკითხს ეხება. მოქალაქეებმა უკანონოდ მითვისებული ადგილების დაკანონება მთავრობის თავმჯდომარის განკარგულების საფუძველზე შეძლეს. ზურაბ პატარაძემ შესაბამის განკარგულებას ხელი 2017 წლის 4 აპრილს მოაწერა. სამინისტროში განცხადებების მიღება კვლავ გრძელდება.