12, აპრილი 2021 21:26:00
იმ ფონზე კი, როცა მთელი ქვეყნის მასშტაბით, მუნიციპალურ ა(ა)იპებში სახელფასო ფონდები იზრდება, საგანგაშოდ მაღალია უმუშევართა რიცხვი. სტატისტიკის ეროვნული სამსახურის ცნობით, გასულ წელს, დაუსაქმებელი, ქვეყნის მოსახლეობის 18,5% იყო. მმართველ გუნდში, გაზრდილ სტატისტიკას პანდემიით ხსნიან. არა და, მაჩვენებელი, გასულ წლებშიც საკმაოდ მაღალი იყო. დღეს, „ქართული ოცნება“, პრობლემის აღმოფხვრის გზას მოქალაქეების ემიგრაციაში ხედავს, კერძოდ კი მათი გერმანიაში დასაქმებით.
საქართველოს მოსახლეობისთვის, ყველაზე გადაუჭრელი დილემა უმუშევრობაა. როგორ ებრძვის ხელისუფლება დასაქმების პრობლემას და ცდილობს თუ არა არსებული სურათის უკეთესობისკენ შეცვლას? შემთხვევით, შერჩევითობის პრინციპით, გამოკითხული მოქალაქეებიდან, თითქმის, იდენტური პასუხები მივიღეთ. ნაწილი ფიქრობს,რომ გახშირებული ქურდობის ფაქტები, სწორედ უმუშევრობით გამოწვეული სიღარიბის ბრალია. ის, რომ სახელმწიფო, საკმარის სამუშაო ადგილებს ვერ ქმნის, სადაო არავისთვისაა.
სამუშაო ადგილები მცირეა და ისიც მინიმალური ხელფასით - ასე აფასებს საზოგადოება ქვეყანაში არსებულ ვითარებას. პანდემიის დროს, საქართველოს მოქალაქეების საზღვარგარეთ ლეგალურად დასაქმებაზე, ბათუმელების აზრი, ისევ, იდენტურია. ამბობენ, რომ საკვების თანხის მოსაპოვებლად ქვეყნიდან გასვლა, აუცილებლობას არუნდა წარმოადგენდეს.
უმუშევრობის მაღალი მაჩვენებელი პანდემიითაა გამოწვეული - ასე გვპასუხობს, აჭარის ერთპარტიული უმაღლესი საბჭოს დეპუტატი, კითხვაზე: როგორ ებრძვის სახელმწიფო არსებულ რეალობას? მაშინ, როცა სხვადასხვა კვლევები ქვეყანაში არსებულ სიღარიბის ზღვარზე მოწმობს, ტიტე აროშიძეს მოქალაქეებისთვის კომპენსაციის გადახდა, რეკორდულად გაზრდილი ფასების ფონზე, სახელმწიფოს მხრიდან მზრუნველობად მიაჩნია.
თუ წინა წლების სტატისტიკას გადავხედავთ, ფაქტია, რომ უმუშევრობის მაპროვოცირებელი, მხოლოდ, პანდემია არ ყოფილა. თუმცა, კორონავირუსის გავრცელების თანმდევი შეზღუდვების ფონზე, არსებული რეალობა, კიდევ, უფრო დამძიმდა. სტატისტიკის ეროვნული სამსახურის მონაცამებით, გასული წლის, უმუშევრობის მაჩვენებელი18,5%-ია. იმისთვის, რომ მოქალაქეებმა ოჯახები გამოკვებონ გამოსავალს ემიგრაციაში ხედავენ. საზგადოების ამგვარ მისწრაფებას და მოსახლეობის ქვეყნიდან გადინებას, საზღვარგარეთ ლეგალური დასაქმების ხელშეწყობით, საქართველოს მთავრობაც უწყობს ხელს.