საზოგადოებრივი თავშეყრის ადგილებში თამბაქოს მოწევის აკრძალვას საზოგადოების მხრიდან დიდი მხარდაჭერა აქვს, თუმცა წილი ხარვეზები ამ მიმართულებით მაინც რჩება. ალბათ ხშირად შესწრებიხართ ისეთ ფაქტს, როცა ადამიანები ბავშვების თანდასწრებით ეწევიან. ზიანის თავიდან ასაცილებლად შეზღუდვის დაწესებას დაავადებათა კონტროლის ეროვნული ცენტრი რამდენიმე არასამთავრობო ორგანიზაციასთან ერთად ითხოვს. პარლამენტში კი საკითხს იდეის დონეზე უკვე განიხილავენ.
ტაქსებსა და მსუბუქ ავტომობილებში არასრულწლოვანთა თანდასწრებით სიგარეტის მოწევა შესაძლოა აიკრძალოს. ინიციატივა საპარლამენტო მოსმენაზე ჯერ არ გასულა, თუმცა მოსამზადებელი სამუშაოები უკვე დაწყებულია.
საზოგადოებრივ ტრანსპორტსა და საჯარო სივრცეში, თამბაქოს მოწევა, საქართველოში 2018 წლის პირველი მაისიდან ამოქმედდა. მიუხედავად იმისა, კანონი ისე ვერ სრულდება, როგორც ფურცელზე წერია, მოქალაქეები ამბობენ, რომ ახალი რეგულაციის ძალაში შესვლა, მოქმედთან ერთად თავის როლს შეასრულებს, ანუ, მდგომარეობა მეტად გამოსწორდება. მოხდება არასრულწლოვნების და არამწეველების უფლებების უზრუნველყოფა და ჯანმრთელობის დაცვა.
პედიატრები ამბობენ, რომ როცა უფროსები სიგარეტს დახურულ სივრცეში, ან მოზარდების ახლოს ეწევიან, რომლის სუნთქვაც ბავშვებს უხდებათ, ისინი პასიურ მწეველთა რიგებში მოიაზრებიან. ეს, ცხადია ნეგატიურ გავლენას ახდენს, მოზარდები, ნაადრევი ასაკიდან ხდებიან ნიკოტინდამოკიდებულები.
დოკუმენტის სამუსაო ვერსიაში კონტროლის მექანიზმზე არაფერი წერია, შესაბამისად, იურისტებს კითხვა ახლა შემდეგია. როგორ მოხდება კანონის აღსრულება.
ინიციატივა, „თამბაქოს კონტროლის ალიანსს“ და დაავადებათა კონტროლის ეროვნული ცენტრს ეკუთვნის. აქ ამბობენ, რომ შესაბამის მონიტორინგს საპატრულო პოლიცია განახორციელებს.
კანონპროექტი პარლამნეტში 13 აპრილს დარეგისტრირდა. როდის დაიწყება საკომიტეტო მოსმენები, ჯერჯერობით უცნობია.
2
s
s
s