16, აპრილი 2021 17:15:00
2021 წლის თებერვალ-მარტში, ქვეყანაში, მარკირებას დაქვემდებარებული დიდი ოდენობით უაქციზო საქონლის შენახვა-გადაზიდვის 77 ფაქტი გამოავლინდა. დანაშაულის ჩადენაში მხილებულია 79 პირი, რომელთა შორის 44 დაკავებულია. საგამოძიებო მოქმედებების შედეგად, მათგან ამოღებულია სარეალიზაციოდ განკუთვნილი, სხვადასხვა დასახელების, ჯამში 106 532 კოლოფი უაქციზო სიგარეტი, რომლის საბაზრო ღირებულება 446 000 ლარს აღემატება. გამოძიება ისევ გრძელდება. დანაშაული, 6-დან 8 წლამდე თავისუფლების აღკვეთას ითვალისწინებს.