03, მაისი 2021 17:33:00
სახელმწიფო აუდიტის სამსახურმა „მთის კურორტების განვითარების კომპანიის“ 2018-2019 წლების შესაბამისობის აუდიტი ჩაატარა. გამოვლინდა ბიზნესგეგმებთან დაკავშირებული ნაკლოვანებები, ნებართვების გარეშე და დარღვევებით დაწყებული სამშენებლო სამუშაოები, კომპანიისთვის დაკისრებული ჯარიმები, დირექტორის ხელფასის უსაფუძვლო ზრდა და სხვა. ანგარიშის მიხედვით, გამოიკვეთა განვითარების სტრატეგიის არარსებობაც, შესაბამისად, განხორციელებული საქმიანობის სტრატეგიულ მიზნებთან და ამოცანებთან შესაბამისობის შეფასება შეუძლებელია. დოკუმენტში საუბარია იმაზეც, რომ ხარჯები გაუმჭვირვალეა და არ იძლევა მათი საჭიროებისა და მიზნობრიობის დადგენის შესაძლებლობას.