09, ივნისი 2021 17:39:00
დღეიდან, მთელი ქვეყნის მასშტაბით, ქორწინების რეგისტრაციის საზეიმო ცერემონიის ჩატარების სერვისი განახლდა. წყვილმა ერთობლივი განაცხადის წარსადგენად, იუსტიციის სახლებში, საზოგადოებრივ ცენტრებში, ტერიტორიულ სამსახურებსა და ქორწინების სახლებში ვიზიტი წინასწარ, პორტალზე – my.gov.ge.-ზე უნდა დაჯავშნოს. ქორწინების მსურველები და მათი თანმხლები პირები (არაუმეტეს 10 პირისა) სარეგისტრაციო სივრცეში ნიღბებით უნდა გამოცხადდნენ. შეგახსენებთ, ქორწინების სახლებში საზეიმო ცერემონიალის ჩატარება და ქორწინების გასვლითი რეგისტრაცია, კორონავირუსის გავრცელების პრევენციის მიზნით, დროებით იყო შეჩერებული. ძალაში რჩება მასშტაბური ქორწილების გამართვის აკრძალვა სარიტუალო დარბაზებსა და რესტორნებში.