09, ივნისი 2021 19:19:00
ბოიკოტისა და პატიმრობის შემდეგ საქართველოს პარლამენტში შესული „ერთიანი ნაციონალური მოძრაობის“ თავმჯდომარე ნიკა მელია პარლამენტის ტრიბუნიდან სიტყვით გამოვიდა. ის საკუთარ მიზნად ახალი პარლამენტის არჩევას ასახელებს.
„მე შემოვედი ამ დარბაზში დღეს ჩემს მეგობრებთან ერთად, რომ თითოეული თქვენგანი, რაც შეიძლება მალე, სათითაოდ გაგიყვანოთ ამ დარბაზიდან და ამის შემდეგ საზოგადოებას მიეცეს შესაძლებლობა, რომ აირჩიოს ნამდვილი პარლამენტი და ლეგიტიმური ხელისუფლება, ზუსტად იმ პროპორციითა და მხარდაჭერით, რომელსაც საზოგადოება გაიმეტებს თქვენთვის და არა ბიძინა ივანიშვილი“, - მიმართა ნიკა მელიამ საპარლამენტო უმრავლესობის წევრებს.