2021 წლის ადგილობრივი თვითმართველობის არჩევნები, საარჩევნო კოდექსში შესული ცვლილებების ფონზე ჩატარდება. საკანონმდებლო ცვლილებებით, რამდენიმე ადმინისტრაციული თემი გაერთიანდა. რას მოუტანს ამომრჩეველსა და პოლიტიკურ პარტიებს საარჩევნო ოლქების გამსხვილება? რა მოლოდინები აქვთ პოლიტიკოსებსა და ექსპერტებს? ეკა ბარამიძის სიუჟეტში ნახავთ.
საარჩევნო კოდექსში შესული ცვლილებებით, 2021 წლის, ადგილობრივ თვითმართველობის არჩევნებზე, მუნიციპალიტეტების საკრებულოებს, იმდენი მაჟორიტარი აღარ ეყოლება, რამდენიც ახლა ჰყავს. ორი, სამი და რამდენიმე შემთხვევაში კი, ოთხი თემი ერთ საარჩევნო ოლქად ერთიანდება, შესაბამისად რამდენიმე თემს საკრებულოში ერთი წარმომადგენელი ეყოლება. საპარლამენტო უმრავლესობის წევრები აცხადებენ, რომ ამ ცვლილებების მომხრე არ იყვნენ, თუმცა უმრავლესობის გადაწყვეტილება გაითვალისწინეს და ინიცირებულ კანონპროექტს მხარი დაუჭირეს.
ქედის საკრებულოს ამჟამად ცხრა მაჟორიტარი ჰყავს, 2021 წლის თვითმართველობის არჩევნებზე კი, ქედის მოსახლეობა ორით ნაკლებ, მაჟორიტარს აირჩევს. ზვარე - წონიარისისა და მერისი - ოქტომბრის თემები გაერთიანდება. ხულოს მოსახლეობა 8 მაჟორიტარს აირჩევს, სამი თემი აგარა, დიდაჭარა, საციხური ერთ საარჩევნო ოლქად ერთიანდება, დიოკნისი - რიყეთი ცალკე და თხილვანა, ფუშრუკაულსა და ხიხაძირს ერთი მაჟორიტარი ეყოლება. რაც შეეხება შუახევს, ორი გაერთიანებული თემი იქნება საარჩევნო ოლქად, ბარათაული -წყალსაყარისა და შუბანი - ოლადაურის. ხელვაჩაურისა და აჭარის მთის სამი მუნიციპალიტეტის მაჟორიტარი დეპუტატი საქართველოს პარლამენტში, ანზორ ბოლქვაძე აცხადებს, რომ საარჩევნო ოლქების გაერთიანება მოსახლეობას დააზარალებს და შედეგის მომცემი ვერ იქნება.
საკანონმდებლო ოგანოს წარმომადგენლებისგან განსხვავებით, დარგის ექსპერტები საარჩევნო სისტემაში განხორციელებულ ცვლილებებს დადებითად აფასებენ. აცხადებენ, რომ ახალი საარჩევნო მოდელი, მრავალპარტიული საკრებულოების ჩამოყალიბების საშუალებას იძლევა.
კითხვაზე, საარჩევნო ოლქების გამსხვილება ნეგატიურად ხომ არ აისახება, ადგილობრივ დონეზე, მოსახლეობის ინტერესების დაცვაზე? კოტე კანდელაკი პასუხობს:
13 მაჟორიტარი ეყოლება ქობულეთს. ოთხ თემს, ალამბარს, აჭყვისთავს, ზენითსა და მუხაისტატეს, ადგილობრივ საკრებულოში, ერთი დეპუტატი წარმოადგენს. ერთი მაჟორიტარით იქნება წარმოდგენილი ლეღვა - წყავროკა, ასევე ქაქუთი - გვარა-ხუცუბანი, სოფელი ქობულეთი-ჭახათის თემები. გაერთიანდება ბობოყვათი - დაგვა, ჩაისუბანი - საჩინო - ხალას თემებიც. ხელვაჩაურში კი, სამი გაერთიანებული თემი იქნება; ახალსოფელი - სარფის, აჭარისწყალი - კირნათის, ახალშენი - ფერიის, ხელვაჩაურის მოსახლეობა, სულ 8 მაჟორიტარს აირჩევს. რაც შეეხება ბათუმის საარჩევნო ოლქს, ადგილობრივი მოსახლეობა 7 მაჟორიტარს აირჩევს.
1
s
s
s