30, ივლისი 2021 15:00:00
პარტია სამართლიანობისთვის ლიდერის, გიორგი გახარიას განცხადებით, მმართველი ძალა 2012 წლის ნაციონალურ მოძრაობას დაემსგავსა. აღნიშნულზე გახარიამ ევროპარლამენტართან, ვიოლა ფონ კრამონთან შეხვედრის შემდეგ ისაუბრა.
"მე მინდა მხარდაჭერა გამოვუცხადო თითოეულ ჩვენს მხარდამჭერს პირდაპირ და ღიად იმიტომ რომ, სამწუხაროდ, დღეს მმართველი ძალა დაემსგავსა 2012 წლის ნაციონალურ მოძრაობას. ესე იგი, დღეს ხელისუფლება, მმართველი ძალა, პარტია, პარტიული ბოსები — იყენებენ სახელმწიფო ყველა ინსტრუმენტს: შემოსავლების სამსახურს, ფინანსურ პოლიციას, პოლიციას, სუს-ს, ყველაფერს ამას იყენებენ იმისთვის, რომ ადამიანებზე მოახდინონ ზეწოლა ელემენტარული სიმპათიების გამოხატვის გამო და მე მინდა ყველამ იცოდეს, რომ როდესაც სამსახურიდან დათხოვნა, კერძო ბიზნესზე ფინანსური პოლიციის ზეწოლა არის, ეს არის შიშის შედეგი", — აცხადებს გახარია.