იმის მიუხედავად, რომ ადგილობრივი თვითმმართველობის არჩევნებამდე, ორ თვეზე ნაკლები დარჩა, აჭარის მთიანეთში, კენჭისყრისთვის სამზადისი ნაკლებად შეინიშნება. პარტიულ ოფისებში არც ხალხმრავლობაა და არც აქტიური წინასაარჩევნო პროცესი მიმდინარეობს. რომელი პარტიები აქტიურობენ და როგორ გეგმავენ ისინი ამომრჩევლის გულის მოგებას?
შუახევში წინასაარჩევნო პროცესი პასიურად მიმდინარეობს. მუნიციპალიტეტში სახელისუფლებო პარტიასთან ერთად, მხოლოდ სამი საარჩევნო სუბიექტის - „ნაციონალური მოძრაობის“, პარტია „საქართველოსთვის“ და „ლელოს“ ოფისის არსებობა შეინიშნება. „ქართული ოცნების“ შუახევის ოფისში მისულებს, ინტერიერისა და სამუშაო პრცესის გადაღების უფლება არ მოგვცეს, უფრო მეტიც გვითხრეს, რომ შესვლა არ შეიძლებოდა და ინტერვიუ შენობის გარეთ უნდა ჩაგვეწერა. საარჩევნო შტაბს აქ ფრიდონ ფუტკრაძე ხელმძღვანელობს, პარტიის მდივანი კი, ედნარ კეჟერაძეა, რომელიც ამავდროულად, მუნიციპალიტეტის საკრებულოში, საფინანსო კომისიის თავმჯდომარეა.
რაც შეეხება ოპოზიციურ პარტიებს, მერობის კანდიდატი შუახევში, ამ ეტაპზე, მხოლოდ, „ნაციონალურ მოძრაობას“ ჰყავს შერჩეული. ოპოზიციური ფლანგიდან სხვა პარტიებს, ჯერჯერობით, არც მერობის მსურველები და არც მაჟორიტარები დაუსახელებია. გაურკვეველია ისიც, გაერთიანებულ ოპოზიციას, შუახევის მაჟორიტარულ თემებში ერთი კანდიდატი ეყოლება თუ პარტიები ინდივიდუალურად წარადგენენ კანდიდატებს.
შუახევში მოქმედი პარტიული ოფისებიდან, ჩვენ ვერც გახარიას პარტიის ოფისის გადაღება მოვახერხეთ. აქ კომენტარი წინასაარჩევნო სამზადისთან დაკავშირებითაც არ გააკეთეს. „ლელოში“ კი ამბობენ, რომ ადგილობრივ თვითმართველობაში მოსახვედრად აქტიურად მუშაობენ.
რაც შეეხბა არჩევნებში მოქმედ მთავარ ძალას, ამომრჩეველს - მოსახლეობა აცხადებს, რომ მათი ხმა და არჩევანი უკეთეს მომავალს უკავშირდება. ადგილობრივების მოთხოვნა სოფლის მეურნეობის ხელშეწყობაა.
მართველი გუნდიდან მერობისთვის ომარ ტაკიძე იბრძოლებს, რომელიც ამ დროისთვის შუახევში მერის მოვალეობას ასრულებს. „ნაციონალური მოძრაობიდან“ კი, მას კონკურენციას, როინ ზოიძე გაუწევს
1
s
s
s