26, აგვისტო 2021 21:39:00
გერმანიის სახალხო უნივერსიტეტთა ასოციაციის (DVV Inernational) მიერ დაფინასებული ქედის სათემო განათლების ცენტრი, სასწავლო პროგრამებზე სწავლებას, სექტემბრიდან განაახლებს. ლექციები აქ, ოთხ საგანმანათლებლო პროგრამაზე კვირაში ორი დღის განმავლობაში ჩატარდება. პირველ ეტაპზე ადგილობრივებს კოპიუტერულ საოფისე პროგრამებს, ინგლისურ ენას, კულინარიასა და ხელაქმეს, სუვენირების დამზადებას შეასწავლიან.
სათემო ცენტრის ბაზაზე, გერმანული ორანიზაციის დაფინანსებით, სოციალური საწარმოც ამოქმედდა. თანამედროვე ტექნიკურ დანადგარებზე მსურველებს კერვას შეასწალიან, დაკვეთის შემთხვევაში კი სამოსსა თუ საყოფაცხოვრებო მოხმარების ნივთებს დაამზადებენ. 2022 წლიდან შესაძლოა არსებულს სხვა საგანმანათლებლო პროგრამებიც დაემატოს. ცენტრში აცხადებენ, რომ ამას მოსახლეობის მოთხოვნა განაპირობებს.
ცენტრმა მსმენელთა განცხადების მიღება უკვე დაიწყო. წინა წლებში ყველაზე მოთხოვნადი - ინგლისური ენა და კომპიუტერი იყო, პანდემიის ფონზე, კი - გაიზარდა ადოკატირების შესწავლის მსურველთა რაოდენობაც. ორგანიზაციის ქედის ფილიალის ფინანსისტის განცხადებით, მუშაობენ ინოვაციური პროგრამების დანერგვაზეც.
გერმანიის სახალხო უნივერსიტეტთა ასოციაცია, ქვეყნის მასშტაბით სულ, 13 საგანმანათლებლო ცენტრს აფინანსებს. აჭარაში ფილიალი მხოლოდ ქედაშია, რომელიც 2014 წლიდან, 2020 წლამდე „ზრდასრულთა განათლების ცენტრის სახელით ფუნქციონირებდა“ . აქ ცოდნას სრულწლოვანი მოქალაქეები ეუფლებოდნენ. 2020 წლიდან, მსმენელთა მიღებისას, ასაკზე დაწესებული შეზღუდვებიც მოიხსნა და სასწავლებლის სახელწოდებაც შეიცვლა.