ბათუმი-ახალციხის ცენტრალური საავტომობილო მაგისტრალის ხულოს მონაკვეთზე რაოდენობრივად ყველაზე მეტად, ანზორ ბოლქვაძის ბანერებს შეხვდებით. მმართველი პარტიის უცვლელი პოლიტიკური სახის გარდა ნახავთ ფრიდონ ფუტკარაძისა და ტარიელ ნაკაიძის პლაკატებსაც. საარჩევნო კოდექსის მიხედვით, სააგიტაციო მასალები კენჭისყრის დასრულებიდან რამდენიმე დღეში თავად პარტიებმა უნდა ჩამოხსნან, თუმცა როგორც ჩანს, კანონი საკმარისი არ აღმოჩნდა. აკრძალულ ადგილებზე „პატრიოტთა ალიანსისა“ და ნაკლებად ცნობილი პოლიტიკური ფიგურების პლაკატებსაც შეხვდებით. არის ნაციონალური მოძრაობის სააგიტაციო მასალაც.
საარჩევნო-სააგიტაციო მასალების განთავსებისა და საარჩევნო ღონისძიებების ჩასატარებლად, კონკრეტული ტერიტორიების გამოყოფის შესახებ გადაწყვეტილებას, ადგილობრივი თვითმართველობა იღებს. კანონის აღსრულებაზე პასუხისმგებელი კი, მუნიციპალიტეტის მერიაა. უწყებაში დღეს კომენტარი არ გააკეთეს, შესაბამისად, უპუხოდ დარჩა კითხვა, დაჯარიმდნენ თუ არა პოლიტიკური სუბიქტები. სიძველისგან დაზიანებული პლაკატების ფონზე, საკრებულომ 2021 წლის ადგილობრივი თვითმართველობის არჩევნებისთვის განკარგულება უკვე დაამტკიცა.
ცენტრალური საარჩევნო კომისიის, ხულოს ოლქის თავმჯდომარე განმარტავს, რომ საკითხი მისი პრეროგატივა არაა . თენგიზ ბოლქვაძე აცხადებს, რომ ხულოს საკრებულოს მიერ , 6 აგვისტოს მიღებული განკარგულება დაარეგისტრირა.
რატომ არღვევენ პარტიები კანონს? კითხვით ყველა იმ პარტის დავუკავშირდით, რომლებსაც საარჩევნო მასალები დღემდე არ ჩამოუხსნიათ, პასუხი კი ვერ მივიღეთ. უფრო მეტიც, „ქართული ოცნების“ პარტიის ოფისის კარი TV 25-სთვის დაკეტილი აღმოჩნდა. კომენტარი არც ხულოს საკრებულოს თავმჯდომარემ გააკეთა, რომელიც მმართველ გუნდს წარმოადგენს.
1
s
s
s