15, სექტემბერი 2021 21:30:00
მიუხედავად იმისა, რომ თვითმართველობის როლი დემოკრატიული საზოგადოების ჩამოყალიბებაში უმნიშვნელოვანესია და ამ ჯაჭვში საკრებულო დიდ როლს თამაშობს, მოსახლეობის დიდმა ნაწილმა აჭარის მთიანეთში ამ უწყების შესახებ თითქმის არაფერი იცის. არჩევნებამდე რამდენიმე კვირა დარჩა, მაგრამ ქედაში ელექტორატს წარმოდგენა არ აქვს, რომ კენჭისყრაზე მერთან ერთად, საკრებულო ირჩევა, ხმას ვაძლევთ პარტიების მიერ წარდგენილ მაჟორიტარ კანდიდატებს და პარტიულ სიას.
არის ამომრჩეველთა მცირე კატეგორიაც, რომელიც თვითმართველობის აღმასრულებელი, თუ საკანონმდებლო ორგანოს შესახებ ინფორმირებულია, თუმცა გვეუბებიან, რომ არც საკრებულოს სხდომებს ესწრებიან და არც გადაწყვეტილების მიღებაში მონაწილეობენ. მიზეზად კი, მოსახლეობის საჭიროებებისა და ინტერესების გაუთვალისწინებლობას ასახელებენ.
ვის ვირჩევთ ორი ოქტომბრის არჩევნებზე? მერობის და მაჟორიტარობის რამდენი კანდიდატი დარეგისტრირდა და ვინ მოხსნა საკუთარი კანდიდატურა არჩევნებამდე რამდენიმე კვირითა ადრე ქედაში? საოლქო კომისიის თავმჯდომარე განმარტავს.
ამომრჩევლისთვის, თვითმართველობაში შემავალი ორგანოების შესახებ ინფორმაცია, ისევ მისივე საჭიროებებისთვისაა აუცილებელი.
მუნიციპალიტეტის ორგანოთა 2021 წლის არჩევნები 2 ოქტომბერს ჩატარდება. საარჩევნო კოდექსში შესული ცვლილებებით აქ, ორი ადმინისტრაციული თემი გაერთიანდა და ქედის მოსახლეობა სულ შვიდ მაჟორიტარს აირჩევს.