საქართველოს პარლამენტი ხელოსანთა ლიცენზირების საკითხის განხილვას, მას შემდეგ აპირებს, რაც ბათუმში დატრიალებულმა ტრაგედიამ ცხრა ადამიანის სიცოცხლე იმსხვერპლა. საკანონმდებლო ორგანოს ინიციატივით, ერთ-ერთმა, მოქალაქემ მიმართა. მსგავსი იდეა, აქამდე, ხალხის მიერ არჩეულ, არცერთ დეპუტატს გამოუთქვამს. ვინ არის დამნაშავე და ვინ დაუშვა შეცდომა? ამას გამოძიება დაადგენს, თუმცა, მანამდე, საკითხზე დარგის სპეციალისტები მსჯელობენ. მათი შეფასებით, არაპროფესიონალები, მსგავს საპასუხისმგებლო საქმეს არ უნდა ეჭიდებოდნენ. დუგლას ზამთარაძე, იმედს იტოვებს, რომ თუ კი, მუშების ლიცენზირების საკითხი დღის წესრიგში დადგება, შესაბამისი მაკონტროლებლები, შესაბამის კონტროლს განახორციელებენ.
მუშების კვალიფიციურობა რომ აუცილებელია, ამას აჭარის პროფესიული კავშირების გაერთიანების ხელმძღვანელიც ამბობს. მეტიც, ზურაბ ცეცხლაძე ფიქრობს, რომ მათი სერთიფიცირებისა და გადამზადებისთვის საჭირო თანხები სახელმწიფონ უნდა გამოყოს.
მოქალაქეები ფიქრობენ, რომ საქართველოს მთავრობას, ხელოსნების ლიცენზირების საკითხი, წლების წინ უნდა დაეყენებინა. მიუხედავად ამისა, ხალხს, იმის მოლოდინი, რომ პრობლემის დღის წესრიგში დაყენებით მსგავსი შემთხვევები აღმოიფხვრება, არ აქვს. ამ პესიმიზმის მიზეზად, იმას ასახელებენ, რომ პასუხიმგებელი უწყებები პასუხისმგებლობას ხშირად გაურბიან. მაგალითად კი, ბათუმის ტრაგედია მოჰყავთ.
ის, რომ ბათუმში, 9 ადამიანის სიცოცხლე, სამშენებლო სამუშაოების დაუდევრობით განხორციელებამ შეიწირა, საზოგადოებაში, სფეროს უკონტროლობის გამო, ნიჰილისტურ განწყობებს აჩენს. პროფესიონალიზმი, ნებისმიერ საქმიანობას, რომ სჭირდება ამაზე, ყველა ერთ ხმად თანხმდება. რაც შეეხება ინიციატივას, საკანონმდებლო წინადადების განხილვა, პარლამენტის დარგობრივი ეკონომიკისა და ეკონომიკური პოლიტიკის კომიტეტს დაევალა. მიღებული გადაწყვეტილება ბიუროს ეცნობება. ინიციატივის საფუძველი 8 ოქტომრის ბათუმის ტრაგედია გახდა.
9
s
s
s