სოფლებში მოწეული მოსავლის ადგილზე რეალიზაციისა თუ გლეხების ხელშეწყობის მიზნით, აჭარის სოფლის მეურნეობის სამინისტრომ ლოჯისტიკური ცენტრების სახით, ალტერნატიული სისტემის შექმნა ჯერ კიდევ 5 წლის წინ დაანაონსა. ხელისუფლება აცხადებდა, რომ იდეა, რომელსაც ადგილობრივი პროდუქცია ქსელში სარეალიზაციოდ სისტემურად უნდა გაეშვა, სოფლის მეურნეობაში გადატრიალებას მოახდენდა. მას შემდეგ დიდ დრო გავიდა, ცენტრები მოაწყეს, ხალხის ფულიც დაიხარჯა, თუმცა მოსახლეობამ სარგებელი ვერ ნახა. მეტიც, აჭარის მთიანეთში, სადაც მოახლეობის ძირითადი შემოსავალი სოფლის მეურნეობაზე მოდის, პროდუქციის მწარმოებელმა ფერმერებმა, ამ შენობების არსებობის შესახებ არც კი იციან, რადგან ლოჯისტიკური ცენტრები უფუქნციოა.
ლოჯისტიკური ცენტრები აჭარის მთის სამივე მუნიციპალიტეტში უფუნქციოა. წლის ყველაზე მოსავლიან სეზონზე, შენობის კარები ჩარაზული დაგვხვდა. ოპოზიცია ხელისუფლების უუნარობაზე საუბრობს.
სამინისტროს პროექტით, ლოჯისტიკურ ცენტრებს მუნიციპლტეტებში სასოფლო-სამეურნეო პროდუქტის გადამუშავება - დახარისხება უნდა მოეხდინა. სოფლებიდან დაფასოებული პროდუქცია ბათუმში უნდა გადაეტანათ, საიდანაც სარეალიზაციოდ ქსელში ჩაეშვებოდა. ქედაში მცხოვრები ერთ-ერთი მოქალაქე გვიყვება, რომ ხელისუფლებას მოსახლეობისთვის არაფერი გაუკეთებია და არც მათ საჭიროებებზე ფიქრობს.
რაში დახარჯა მილიონები სამინისტრომ და რატომ არ ფუნქცონირებს ლოჯისტიკური ცენტრები? ჩვენ ამ კითხვით აგროსერვის ცენტრის უფროსს დავუკავშირდით. აღნიშნულ საკითხთან დაკავშირებით გოჩა ბერიძემ კომენტარი არ გააკეთა. სატელეფონო საუბარში გვითხრა, რომ ცენტრები კერძო დაკვეთებზე მუშაობდა. მისი მტკიცებით, აღნიშნული პრობლემის მოსაგვარებლად მუშაობა მიმდინარეობს.
3
s
s
s