შვილმოკლული მამა მკვლელობის ვერსიებზე საუბრობს. ზუსტი მოტივის შესახებ არაფერი იცის, თუმცა, არ გამორიცხავს, რომ პირად ანგარიშსწორებას ჰქონდეს ადგილი. იყო თუ არა კონფლიქტში ვინმესთან, მისი 44 წლის შვილი, ინფორმაცია არ აქვს.
შემზარავი შემთხვევა ფსიქიკური ჯანმრთელობისა და ნარკომანიის პრევენციის ცენტრის ეზოში დღეს მოხდა. ერთ-ერთ ბენეფიციარს, მიჯრით, 7 ტყვია დაახალეს. შედეგად მან სიცოცხლისთვის შეუთავსებელი დაზიანებები მიიღო. ექიმების მიერ შესაბამისი სამედიცინო ღონისძიებების მიუხედავად, მისი გადარჩენა, ვერ მოხერხდა.
ფაქტს რამდენიმე თვითმხილველი ჰყავს. მათი თქმით, ბენეფიციარს სამედიცინო დაწესებულების ეზოში შესვლისთანავე, ცეცხლი შენიღბულმა პირმა გაუხსნა. დამნაშავე ადგილიდან მალევე მიიმალა.
განზრახ მკვლელობაში ბრალდებული შინაგან საქმეთა სამინისტროს ამ დრომდე არ დაუკავებია. გამოძიება სსკ მე-19 და 108-ე მუხლით დაიწყო, რაც განზრახ მკვლელობას გულისხმობს.
5
s
s
s