საქართველოს პრემიერ-მინისტრი, ირაკლი ღარიბაშვილი, ექს-პრეზიდენტზე საუბრობს და აღნიშნავს, რომ იგი სამარცხვინო ადამიანია. პრემიერის სააკაშვილს არასერიოზულს უწოდებს და მოსახელობას თვითმმართველობის არჩევნმების მეორე ტურში მონაწილეობისკენ მოუწოდებს.

„ნახეთ, როგორ სამარცხვინოდ შემოიპარა. ახსენეთ სხვადასხვა პროდუქტები, არაჟანი და ა.შ. მოკლედ, ამას მნიშვნელობა არ აქვს. ეს სამარცხვინო სიტუაცია იხილა მთელმა მოსახლეობამ. ამას გარდა ნახეთ, როგორ აშკარად ჩანს, რომ არ არის ფხიზელ მდგომარეობაში, ლაპარაკობს, რაღაცას ბოდავს, რაღაც სპეცსამსახურების მიერ გატაცებაზე, მოტაცებაზე. წარმოიდგინეთ, როგორ ილუზიებში ცხოვრობს ეს ადამიანი. როგორ სიტუაციასა და მდგომარეობაშიც არის ამ ვიდეოში, ასეთ არასტაბილურ მდგომარეობაში იმყოფება ის ახლა და მთელი მისი გუნდი. სხვა შემთხვევაში, ასეთი ილუზიები რომ არ ჰქონოდა ადამიანს, როგორ შეიძლება, რომ ელემენტარული გათვლა ვერ გაეკეთებინა, აქ, რომ ასეთი გზით შემოდიოდა, ქურდულად შემოიპარა და აღმოჩნდა ციხეში. რა ვქნათ, ეს არის რეალობა, ეს არის კიდევ ერთი საშუალება და მტკიცებულება იმისა, რასაც ჩვენ ვამბობთ და ვუხსნით ჩვენს მოსახლეობას არის სრული სიმართლე. რა თქმა უნდა, მეორე მხარეც არის, აი, ეს არასერიოზულობა და სრული გაუგონარი ამბავი - ყოფილი პრეზიდენტი, წარმოიდგინეთ, კაცი იყო ჩვენი ქვეყნის სახე, 9 წელი მას ერქვა ქვეყნის პრეზიდენტი და ასე არასერიოზულად მოიქცა კიდევ ერთხელ და დაამთავრა არასერიოზულად. პირველ რიგში, მე მინდა ვთქვა, რომ რა თქმა უნდა, ძალიან კარგი საჩუქარი გაუკეთა ჩვენ ამომრჩეველს პირველ ოქტომბერს, როცა თავისი ფეხით შევიდა ციხეში“, - განაცხადა ღარიბაშვილმა.

Tags:

• ღარიბაშვილი
• სააკაშვილი.

გაზიარება

4