09, იანვარი 2017 05:13:00
სასწრაფო-სამედიცინო დახმარების ცენტრში რესპირატორულ დაავადებათა გართულებებზე გამოძახებების რიცხვმა იმატა. ბოლო ორი კვირის განმავლობაში, ყოველდღიურად შესული ზარების რაოდენობა თითქმის ასითაა გაზრდილი და საშუალოდ, დღეში 380-400 ზარი ხორციელდება. სასწრაფო-სამედიცინო დახმარების ცენტრის დირექტორის, ბადრი პაქსაძის თქმით, ხშირია პაციენტების სტაციონარში მოთავსების საჭიროება, თუმცა სამედიცინო დაწესებულებებს მომსახურების გაწევა მათი სიმრავლის გამო უჭირთ. სხვა ინფორმაციას გვაწვდის აჭარის ჯანდაცვის სამინისტრო. მინისტრის პირველი მოადგილე აღნიშნავს, რომ მომსახურების პრობლემა არ არის, თუმცა ბრონხიტის შემთხვევისას პაციენტების სტაციონარში განთავსებას ერიდებიან.
1
s
s
s