10, თებერვალი 2017 05:02:00
მახუნცეთის განვითარების გეგმის პროექტზე მუშაობა დასრულდა. კემპინგი, დაბის პარკის, სკვერების, ფასადების კეთილმოწყობა, სასტუმროების, საკონცერტო სცენის და სხვადასხვა დანიშნულების ობიექტების მშენებლობა ამ პროექტის მიხედვით უნდა შესრულდეს. ქედის გამგეობის ინფორმაციით, ინფრასტრუქტურული სამუშაოები ეტაპობრივად განხორციელდება. პროექტის დეტალები ადგილობრივებს ქედის მუნიციპალიტეტის გამგებელმა გააცნო. საჯარო შეხვედრაზე დავით დუმბაძემ მათ შეკითხვებსაც უპასუხა. ადგილობრივ ხელისუფლებას პროექტის შეძენა 55 000 ლარი დაუჯდა. გამგეობაში ფიქრობენ, რომ მისი განხორციელების შედეგად ტურისტების რაოდენობა გაიზრდება.