30, ივნისი 2018 20:48:00
ღია მმართველობის პრინციპების დანერგვა ქალაქ ბათუმის მუნიციპალიტეტში, მიღწევები და გამოწვევები - საკითხთან დაკავშირებით დღეს ბათუმის დემოკრატიული ჩართულობის ცენტრში საჯარო განხილვა გაიმართა. მომხსენებლებმა ქალაქში არსებული პრობლემებისა და მათ გადაჭრის გზებზე იმსჯელეს. დისკუსია შეეხო ბიუჯეტის დაგეგმვის პროცესში საზოგადოების ჩართულობის საკითხსაც. საჯარო განხილვას არასამთავრობო ორგანიზაციების, ბათუმის მერიის, საკრებულოს წარმომადგენლები და ჟურნალისტები ესწრებოდნენ.