ხულოს მუნიციპალიტეტის სოფელ ფაჩხაში ბახმაროს უბნის მცხოვრებლები გზის გაწმენდას ითხოვენ. როგორც ადგილობრივები განმარტავენ, სოფლის ცენტრიდან სამი კილომეტრის გავლა უკვე ორი თვეა ფეხით უწევთ. ვერ გადაადგილებიან სასწრაფო სამედიცინო დახმარების მანქანები და გამოძახების შემთხვევაში მედიკოსების ბრიგადა პაციენტებამდე ფეხით მიდის. პრობლემებთანაა დაკავშირებული ავადმყოფების საავადმყოფომდე გადაყვანაც. გადაადგილება უჭირთ მოსწავლეებსაც. მიუხედავად იმისა, რომ პრობლემა ორ თვეზე მეტია მწვავედ დგას და ამის შესახებ იციან მუნიციპალიტეტის ხელმძღვანელებმაც, ფაჩხაში ტექნიკა მხოლოდ მას შემდეგ გამოჩნდა, რაც მდგომარეობა "მაცნეს" გადამღებმა ჯგუფმა დააფიქსირა. საგზაო დეპატრამენტის წარმომადგენლის განმარტებით, გზის გაწმენდა ინტენსიური თოვლისა და გაუმართავი ტექნიკის გამო გაჭიანურდა.
1
s
s
s