დახურულ შენობებში, საზოგადოებრივი თავშეყრის ადგილებში, საზოგადოებრივ ტრანსპორტსა და სტადიონებზე შესაძლოა თამბაქოს მოწევა აიკრძალოს - ახალ რეგულაციებს ,,თამბაქოს კონტროლის შესახებ‘‘ საქართველოს კანონში შესატანი ცვლილებები ითვალისწინებს. კანონპროექტის თანახმად, ცვლილებების მიღების შემთხვევაში თამბაქოს მოწევა სრულად აიკრძალება ნებისმიერ შენობა-ნაგებობაში, გარდა კერძო საცხოვრებელი სახლებისა. მოწევა აიკრძალება კაფე-ბარებში, სააღმზრდელო, საგანმანათლებლო და ნებისმიერი სხვა სასწავლო დაწესებულებში, აგრეთვე ბიბლიოთეკებში, მოსწავლე ახალგაზრდობის ბანაკებში, ბავშვთა გასართობი ცენტრების და 18 წლამდე პირებისთვის განკუთვნილ სხვა დაწესებულებებში. დარღვევის შემთხვევაში, კანონით მინიჭებული უფლებამოსილების ფარგლებში, პასუხისმგებელმა პირმა დაუყოვნებლივ უნდა აღკვეთოს დაწესებულებაში თამბაქოს მოხმარება იმ ადგილებში, სადაც კანონით მოწევა აკრძალულია. კანონპროექტი საქართველოს პარლამენტის ჯანდაცვის კომიტეტმა უკვე განიხილა.
28
s
s
s