13, აგვისტო 2019 21:15:00
მორიგი საჯარო განხილვა რივიერას პროექტის შესახებ. „ქალაქ ბათუმის გარკვეული ტერიტორიისათვის განაშენიანების რეგულირების გეგმის დამტკიცების თაობაზე“ მსჯელობა 15 აგვისტოსაა ჩანიშნული. როგორც უწყების ოფიციალურ ვებგვერდზე გამოქვეყნებულ განცხადებაშია ნათქვამი, განხილვის მიზანია დაინტერესებული პირების მხრიდან საკუთარი მოსაზრებების წარდგენა განაშენიანების რეგულირების გეგმის დამტკიცების თაობაზე. მასში მონაწილეობა, ასევე მოსაზრებებისა და შენიშვნების დაფიქსირება ყველა დაინტერესებულ პირს შეუძლია.