21, ოქტომბერი 2019 18:16:00
სოფელ განახლებაში დამატებითი სასმელი წყლის სისტემა მოეწყობა. ხელვაჩაურის მერიის პრესცენტრის ცნობით, სამუშაოები წყლის მაგისტრალისა და 100 ტ. მოცულობის ავზის მოწყობას ითვალისწინებს, რომელიც სასმელი წყლით მომარაგდება განახლებაში არსებული ჭაბურღილიდან.
პროექტის განხორციელებით სასმელი წყლით უზრუნველყოფილი იქნება 80 - მდე ოჯახი. აღნიშნული ღონისძიებებისათვის მუნიციპალიტეტის ბიუჯეტიდან 134 999 ლარი დაიხარჯება.