ქედის მერმა მოსახლეობას, მიმდინარე წლის მუშაობის ცხრა თვის ანგარიში წარუდგინა. შეხვედრა, რომელიც ქედის კულტურის ცენტრში ჩატარდა, ლევან გორგილაძე აუდიტორიას იმ ძირითად შესრულებულ პროექტებსა თუ ღონისძიებებზე ესაუბრა, რაც საანგარიშო პერიოდში ქედაში განხორციელდა.
მნიშვნელოვან პროექტად სოფელ ქვედა აგარაში სოციალური სახლის მშენებლობასთან ერთად, ქოსოფელში ხიდის მშენებლობა დაასახელა. წარმატებულ პროგრამად კი მუნიციპალიტეტის მერმა „მთის განვითარების ხელშეწყობა“ მოიხსენია და განაცხადა, რომ მახუნცეთს თვითმზარდი ტურისტული პოტენციალი გააჩნია.
შეხვედრა, რომელსაც, ძირითადად საჯარო მოხელეები და საბიუჯეტო ორგანიზაციების თანამშრომლები ესწრებოდნენ რამდენიმე მოთხოვნა გახმოვანდა. ადგილობრივებმა მერს, დაბაში რუსთაველის ქუჩის მიმდებარედ, სკვერისა დასოფელ ოქტომბერში, საკალმახე მეურნეობასთან დამაკავშირებელ გზაზე, ინფრასტრუქტურის მოწესრიგებაცსთხოვეს.
ადგილობრივთა მიერ დასახელებულ პრობლემებთან დაკავშირებით მერმა განმარტებაც გააკეთა და განაცხადა, რომ პრობლემები ეტაპობრივად მოგვარდება.
ქედაში, წელს ვერ განხორციელებულ მნიშვნელოვან პროექტად ლევან გორგილაძემ აქუცის ხიდი დაასახელა და აღნიშნა, რომ საავტომობილო ხიდი ამ სოფელში მომავალ წელს გაკეთდება.
ქედის მთავარი ფინასისტის განმარტებით, 2019 წლის ბიუჯეტი სრულდება და დასძენს, რომ გეგმით გაწერილ ყველა მნიშვნელოვან ღონისძიებებზე ამ დროისთვის ხელშეკრულება დადებულია.
2019 წლის ქედის ბიუჯეტი 12 მილიონ ნახევარ ლარს აღემატება, მუნიციპალური ბიუჯეტიდან, პროცენტულად ყველაზე მეტი თანხა სოციალური სახლის მშენებლობაზე, ხიდის მოწყობასა და „სოფლის მხარდაჭერის პროგრამაზეა“ გამოყოფილი.