11, ნოემბერი 2019 20:20:00
ქალი, რომელიც აბონენტების მრიცხველებს აღწერს. ახლა კი გაგიზიარებთ გულნარა თედორაძის ამბავს, რომელიც 24 წელია ამ საქმეს ემსახურება. მისი სახე შესაძლოა თქვენთვისაც ნაცნობია, რადგან დღის განმავლობაში ერთსა და იმაზე მისამსათზე ზოგჯერ რამდენჯერმე მიდის. რამ უბიძგა მას ქალისთვის იშვიათ საქმეზე გაეთებინა არჩევანი? ნაზიბროლა ქობულაძე გიამბობთ
ერთადერთი ქალია, რომელიც აბონენტების მრიცხველებს აღწერს. ამ საქმეს 24 წელია ემსახურება. ერთსა და იმავე მისამართზე მისვლა ხანდახან დღეში ორჯერ უწევს. თუ აბონენტმა დავალიანება დაფარა, წყალმომარაგებას დაუყოვნებლივ აღუდგენს ხოლმე. უკვე ყველა ეზოში სცნობენ და იციან მხარდაჭერის იმედი უნდა ჰქონდეთ.
საქმემ თანამედროვე ტექნოლოგიების ათვისება რომ მოითხოვა, ქალბატონმა გულნარამ არ დაიზარა, დანაზოგით კომპიუტერი იყიდა და სწავლას შეუდგა. ამბობს, რომ ახლა საკუთარი მოვალეობის შესრულება სამსახურში სრულყოფილად შეუძლია. მრიცხველებიდან გაკეთებული ამონაწერის გაციფრულებას დამოუკიდებლად და მარტივად ახდენს.
უკვე საპენსიო ასაკს მიაღწია, თუმცა ყოველდღიურად სამსახურში მისვლა, შემდეგ კი ბათუმის ქუჩებში საკუთარი მოვალეობის შესრულება არ ეზარება. ამბობს, რომ უქმე დღეები მისთვის ნაკლებად სასიამოვნოა, ვინაიდან საქმე და სამსახური მისი ოჯახია.
ასეთივე პოზიტივით ხვდებიან გულნარას თანამშრომლები და მისი დახასიათებისას მხოლოდ დადებითი ემოციებით შემოიფარგლებიან.
გულნარა თედორაძე პირობას სდებს, რომ ბათუმელებს კიდევ დიდხანს მოემსახურება.