18 ნოემბერს აქციის დროს დაკავებული 25 პირის სასამართლო პროცესი უცნობი დროითაა გადადებული. “გადაინიშნა სხვა დროისთვის“ – გვპასუხობენ სასამართლოში და ამბობენ, რომ სხვა დეტალებზე ჯერჯერობით საუბარი არ შეუძლიათ.
სასამართლო სხდომა, გუშინ 21 ნოემბერს, მთელი დღის განმავლობაში მიმდინარეობდა და მხოლოდ გვიან ღამით მორჩა. სასამართლომ ათ დაკავებულს, მათ შორის, ზუკა ბერძენიშვილს, პატიმრობა შეუფარდა, ერთს სიტყვიერი გაფრთხილება, ერთს კი 1000-ლარიანი ჯარიმა.
“მონა” – სკანდირებდნენ დარბაზში და მის მიდებარედ შეკრებილი მხარდამჭერები მოსამართლე ვალერიან ფილიშვილის მისამართით, რომელმაც ეს გადაწყვეტილება გამოიტანა. ეს ერთი მოსამართლე იხილავს 37 დაკავებულის საქმეს.
18 ნოემბრის აქციის დაშლისას პარლამენტთან 37 პირი დააკავეს, რომლებსაც ადმინისტრაციული წესით პოლიციისთვის დაუმორჩილებლობასა და ხულიგნობას ედავებიან.
17
s
s
s