დაპირისპირება და ხმაური ქობულეთის მერიასთან. ტერიტორიაზე დღეს დილით ოპოზიციის შეკრებამ მერია დააბნია. ერთიანი ნაციონალური მოძრაობის წევრები ამტკიცებენ, რომ დედაქალაქში წასასვლელად მომზადებულებს პიკეტირების მცდელობა დააბრალეს და უფრო მეტიც, მერის და შენობის დასაცავად ადგილზე მხარდამჭერებისა და პოლიციელების მობილიზაცია მოახდინეს. მუნიციპალიტეტის პირველი პირი კი საპირისპიროს ამტკიცებს და დასმული კითხვები სასაცილოდ ეჩვენება.
აურზაური და ფიზიკური დაპირისპირება ქობულეთის მერიასთან დღეს დილით იყო. ტერიტორიაზე ერთიანი ნაციონალური მოძრაობის წევრები დედაქალაქში საპროტესტო აქციებზე წასავლელად იკრიბებოდნენ. ბონდო თედორაძე ირწმუნება, რომ მუნიციაპლიტეტის ხელმძღვანელობის დავალებით მათ ადგილზე მობილიზებულმა სამართალდამცველებმა და მმართველი გუნდის მხარდამჭერებმა სიტყვიერი შეურაცყოფა მიაყენეს და კაბინეტში შესვლამდე მას ფიზიკურად გაუსწორდნენ.
შეხლა- შემოხლისა და ფიზიკური დაპირისპირების შედეგად შინაგან საქმეთა სამინისტროს წარმომადგენლებმა ქობულეთში ერთი პირი დააკავეს. საქმე ადმინისტრაციული სამართალდარღვევათა 166-ე მუხლით არის აღძრული, რაც წვრილმან ხულიგნობას გულისხმობს. ერთიან ნაციონალურ მოძრაობაში ამტკიცებენ, რომ მერია მოტყუვდა, როცა იფიქრა, რომ ოპოზიცია უწყების პიკეტირებას გეგმავდა. სწორედ ამას უკავშირებს ბონდო თედორაძე ადგილზე ქართული ოცნების მხარდამჭერებისა და პოლიციელების მობილიზაციას.
ქობულეთის მერი კი ამკიცებს, რომ ხალხის მიერ არჩეულ მერს ხალხისგან დაცვა არ სჭირდება. მირიან ქათამაძემ დღეს მერიის წინ მომხდარს ოპოზიის მიერ დაგეგმილი პროვოკაცია და დესტრუქციის მცდელობა უწოდა. უფრო მეტიც, მუნიციპალიტეტის ხელმძღვანელმა ერთიანი ნაციონალური მოძრაობა დაადანაშაულა და ოპონენტები გააფრთხილა კიდეც:
კითხვას, თუ რატომ გახდა საჭირო ადგილზე სამარლდამცველების მობილიზება? მირიან ქათამაძე ამბობს, რომ პოლიციელები იქ არიან, სადაც წესრიგის დაცვაა აუცილებელი. მუნიციაპლიტეტის მერს კითხვა დავუსვით შენობისენტრალურთან კართან დაკავშირებითაც. შესასვლელს სახელურები აღარ აქვს. ხომარ იკყო მისი მოხსნა თავდაცვის საშუალება უწყების პიკეტირებისგან. კითხვა მირიან ქათამაძეს სასაცილოდ ეჩვენა.
ინცინდენტის შედეგად დაკავებულ პირზე კი საქმე ადმინისტრაციული სამართალდარღვევათა 166-ე მუხლით არის აღძრული, რაც წვრილმან ხულიგნობას გულისხმობს.
6
.jpg)
s
s
s