მალე ზაფხული მოდის და ამავდროულად უგემრიელესი საზამთროს სეზონიც. გთავაზობთ ტორტს ბისკვიტის გარეშე, რომელიც ჩვეულებრივ ტორტთან შედარებით დაბალკალორიული და ჯანმრთელობისათვის სასარგებლოა!
ინგრედიენტები:
- 1 ცალი დიდი მოცულობის საზამთრო
- 400 გრ. კრემი (დიეტური კრემის რეცეპტი იხილეთ სტატიის ქვემოთ)
- მალინა, მოცვი, საზამთროს ნაჭრები, მოცხარი
- 10 გრ. შავი შოკოლადი
- პიტნის ფურცლები
- თავზე მოსაყრელად შეგიძლიათ გამოიყენოთ ქოქოსის ფანტელები, ქიშმიში და ა.შ (გემოვნების მიხედვით)
მომზადება:
ყველაზე დიდ სირთულეს წარმოადგენს საზამთროს სწორად დაჭრა. პირველ რიგში უნდა მოხდეს საზამთროს „გათლა“, თუ შეიძლება ასე ითქვას. შემდეგ მოვაჭრათ ზედაპირი და ქვემოთა ძირი სწორად, ისე რომ ბისკვიტის ფორმა მივიღოთ. ამავდროულად არ უნდა დაგვავიწყდეს, რომ საზამთროს მრგვალი ფორმა უნდა იქნას შენარჩუნებული. შემდეგ უნდა შევეცადოთ , რომ „გავამშრალოთ „ საზამთროს ზედაპირი და დავკრემოთ, თან ისე რომ სრულიად დავფაროთ.
შემდეგ მოვრთავთ ჩვენს გემრიელ ტორტს და მაცივარში შევინახავთ დაახლოებით 1 საათის განმავლობაში!
გემრიელად მიირთვით!
თუ თქვენ მკაცრ დიეტას იცავთ ან უბრალოდ უშაქრო კრემის დაგემოვნება გსურთ, შეგიძლიათ შემდეგი რეცეპტი გამოიყენოთ:
- 400გრ. არაჟანი
- 1 შეკვრა არაჟნის გამასქელებელი ფხვნილი
- 200გრ. ხაჭო
- 50 გრ. მაწონი
- არაჟნის გამასქელებელი ფხვნილი (Sahnesteif) ამ კრემის მთავარ ინგრედიენტს წარმოადგენს, ვინაიდან ის კრავს არაჟანს და აძლევს კრემის მორმასა და მდგრადობას.
სტატია TV25.GE-სთვის ნანული კიკაჩეიშვილმა მოამზადა.
1
.jpg)
s
s
s