მიიღეებს თუ არა მალე საქართველო ტურისტებს, ამას სახელმწიფოთა მმართველი გუნდები მოლაპარაკებების საფუძველზე გადაწყვეტენ, როგორც ეს მაგალითად ბრიტანეთისა და საფრანგეთის სახელმწიფოებმა მოიმოქმედეს გერმანიასთან მიმართულებით. აქედან გამომდინარე, ძალიან დიდი მნიშვნელობა აქვს იმ ფაქტს, რომ საქართველოს მიერ პანდემიასთან ბრძოლის შედეგები იქნას შეფასებული როგორც ნაყოფიერი და ქვეყანამ მიიღოს უსაფრთხო სახელმწიფოს სტატუსი.
საქართველოს გერმანიაში არსებული საელჩოს ოფიციალურ გვერდზე გამოქვეყნდა ინფორმაცია იმის შესახებ, რომ გერმანიის პრეზიდენტმა, ფრანკ-ვალტერ შტაინმაიერმა, საქართველოს პანდემიასთან ბრძოლის შედეგები დადებითად შეაფასა.
გთავაზობთ, სპეციალურად TV25.GE-სთვის მოძიეუბულ ზემოთ აღნიშნული მოხსენების სრულ ვერსიას:
ინფორმაციის წყაროს წარმოადგენს საქართველოს საელჩო გერმანიაში
„საქართველოს პრეზიდენტი სალომე ზურაბიშვილი, გერმანიის ფედერაციული რესპუბლიკის პრეზიდენტს, ფრანკ-ვალტერ შტაინმაიერს ტელეფონით ესაუბრა. პრეზიდენტებმა საქართველოსა და გერმანიაში კორონავირუსთან დაკავშირებით არსებულ მდგომარეობა განიხილეს.
საქართველოს პრეზიდენტმა მადლობა გადაუხადა გერმანიას ქვეყანაში მყოფი საქართველოს მოქალაქეებისათვის პანდემიის პერიოდში სამედიცინო სერვისების მიწოდებისა და შესაბამისი დახმარებისათვის. ფრანკ-ვალტერ შტაინმაიერმა მაღალი შეფასება მისცა კორონავირუსთან ბრძოლის მიმართულებით საქართველოს ხელისუფლების ძალისხმევას.
საქართველოს პრეზიდენტმა ფრანკ-ვალტერ შტაინმაიერს საქართველოში შექმნილი ვითარების შესახებ ამომწურავი ინფორმაცია მიაწოდა და აღნიშნა, რომ კორონავირუსის წინააღმდეგ საქართველოს მთავრობის მიერ გატარებული ღონისძიებები წარმატებული და შედეგიანია.
პრეზიდენტებმა კორონავირუსის საწინააღმდეგო ვაქცინის შექმნის და მისი საყოველთაო ხელმისაწვდომობის მნიშვნელობაზე ისაუბრეს. აღინიშნა, რომ ვაქცინა ხელმისაწვდომი უნდა იყოს ყველასათვის და არა მხოლოდ მდიდარი ქვეყნებისათვის.
საუბარი შეეხო ასევე, პანდემიის პირობებში ეკონომიკის ეტაპობრივი გახსნისა და ზოგადად, ეკონომიკის ფუნქციონირებას საჭიროებასა და მნიშვნელობას. საქართველოს და გერმანიის პრეზიდენტებმა ტურიზმის განვითარების მიმართულებით თანამშრომლობის გააქტიურების საკითხები განიხილეს.
საქართველოს პრეზიდენტმა გერმანელ კოლეგას ბორდერიზაციის პროცესის შესახებ ამომწურავი ინფორმაცია მიაწოდა და აღნიშნა, რომ დღეს საყოველთაო, საერთაშორისო სოლიდარობის საჭიროებისას საქართველოს ოკუპირებულ ტერიტორიებზეც რთული ჰუმანიტარული ვითარებაა. სალომე ზურაბიშვილმა აღნიშნა, რომ გერმანია საერთაშორისო საზოგადოებას სოლიდარობის მაგალითს აძლევს.“
სტატია TV25.GE-სთვის ნანული კიკაჩეიშვილმა botschaftgeorgien.de-ზე დაყრდნობით მოამზადა.
3
s
s
s