29, ივნისი 2020 17:13:00
რის მიხედვით შეარჩიეს სასტუმროები საკარანტინე სივრცეებად? საჯარო ინფორმაცია, რომელიც ტურიზმის ეროვნული სააგენტოსგან გამოვითხოვეთ, დაგვიანებით მივიღეთ. 10 სამუშაო დღის ნაცვლად სააგენტომ 15 დღის შემდგომ მოგვაწოდა ინფორმაცია რომელი განთავსების ობიექტებთან გააფორმა უწყებამ ხელშეკრულება იზოლირებულ ზონებად გადაკეთებისთვის. აღმოჩნდა, რომ თუკი აჭარის ტურიზმის და კურორტების დეპარტამენტი მთავარ აქცენტს სასტუმროების ინფრასტრუქტურასა და ადგილმდებარეობაზე აკეთებდა, ტურიზმის ეროვნული სააგენტოსთის შერჩევის მთავარი კრიტერიუმი სასტუმროების სურვილი და მზაობა იყო. საჯარო ინფორმაციაში არ წერია, რომელი ობიექტისგან რამდენი ნომერი იქირავეს, ან ჯამში რამდენი გადაუხადეს თითოეულ მათგანს. რაც გავარკვიეთ არის ის, რომ ჯამში 25 სასტუმროსთან გააფორმა ხელშეკრულება ტურიზმის ეროვნულმა ადმინისტრაციამ.