28, ივლისი 2020 17:15:00
ბათუმის სახელმწიფო უნივერსიტეტსა და კომუნიკაციების კომისიას შორის ხელი შეთანხმებას მოეწერა. დოკუმენტი, მედიაწიგნიერების მიმართულებით ურთიერთთანამშრომლობას გულისხმობს. სპეციალური პროექტები ახალი სასწავლო წლიდან დაიწყება და მასში სტუდენტებთან ერთად, აჭარის საჯარო სკოლების მოსწავლეებიც ჩაერთვებიან. საერთაშორისო ექსპერტების თანამონაწილეობით, ჩატარდება ერთობლივი სესიები და კონფერენციები, შემუშავდება რეკომენდაციები მედიაწიგნიერების სხვადასხვა მიმართულებით, მათ შორის, სილაბუსების განვითარებისა და დახვეწისათვის.