04, აგვისტო 2020 21:30:00
ბაგა-ბაღებში სააღმზრდელო პროცესის განახლებისას, ჯგუფებში, ბავშვების დასაშვები რაოდენობა განისაზღვრება. კერძოდ, შესაძლოა, 5 კვადრატულ მეტრზე 1 აღსაზრდელის განთავსება იქნას ნებადართული. ამის შესახებ პროტოკოლის სამუშაო ვერსიაშია გაწერილი, რომლის მიხედვითაც დაწესებულებები პროცესის განახლებას შეძლებენ. კორონავირუსის პანდემიის ფონზე საქართველოს მთავრობის გადაწყვეტილებით, სწავლა ონლაინრეჟიმში გადავიდა. როგორც ცნობილია, საკლასო ოთახებში დაბრუნება ეპიდვითარებაზე იქნება დამოკიდებული.