04, სექტემბერი 2020 21:15:00
ბათუმში, ახალი საფეხბურთო სტადიონი, 12 სექტემბერს გაიხსნება. ახალ მოედანზე ერთმანეთს საქართველოს ეროვნული ჩემპიონატის ეგიდით „დინამო ბათუმი“ და „დინამო თბილისი“ შეხვდებიან. ამის შესახებ აჭარის პროექტების მართვის კომპანიის სატენდერო განაცხადში ვკითხულობთ. კომპანია, შესყიდვების სააგენტოსგან 490 895 ლარის მომსახურების ტენდერის გარეშე განხორციელებისთვის ნებართვას ითხოვს. განაცხადის მიხედვით, დაგეგმილი ღონისძიების ფარგლებში, გაჟღერდება საქართველოს ჰიმნი, იმღერებენ ესტრადისა და ოპერის ვარსკვლავები, მოეწყობა კოსტიუმირებული სანახაობა და ფოიერვერკი. ოფიციალური სტუმრების გარდა სტადიონი 6 000 მაყურებელს მიიღებს.