11, სექტემბერი 2020 19:18:00
ეს დეკორატიული მცენარეა, რომელიც მრავლადაა პარკებსა და სკვერებში და ასევე არსებობს ქოთნის მცენარის სახით, მცენარის ბევრ მოყვარულს აქვს სახლში. გარდა ამისა, არსებობს ოლეანდრის ხეც...
ოლეანდრი ძალიან ლამაზია, თუმცა უნდა იცოდეთ, რომ ის შხამიანიც არის, ცხოველიც კი არ ეკარება. ოლეანდრის არა მარტო ქორფა ნაყოფია საშიში, არამედ მისი გამხმარი ფოთლები და ტოტებიც კი. ოლეანდრის წვენი თვალში მოხვედრის შემთხვევაში ძალიან ადვილად აბრმავებს ადამიანებს. ოლეანდრთან შეხებისას აუცილებლად უნდა გეკეთოთ ხელთათმანები. ასევე აუცილებელია სხვა უსაფრთხოების ნორმების დაცვაც.
ოლეანდრით მოწამვლის შემთხვევაში ადამიანს აღენიშნება პირის წვა, თავბრუსხვევა, გულისრევა, ფაღარათი, ტაქიკარდია, პულსის შენელება, გონების დაკარგვა და საბოლოოოდ ლეტალური შედეგი - გარდაცვალება.
ოლეანდრით მოწამვლის შემთხვევაში პირველ რიგში უნდა გამოიწვიოთ გულისრევა, სასწრაფოდ უნდა დალიოთ რძე ან უმი კვერცხის ცილა. აუცილებელია სასწრაფოდ საავადმყოფოში გადაყვანა. ოლეანდრის ანტიდოტი ატროპინია.
მისი ფოთლის მტვერიც კი მეტად საშიში გახლავთ, განსაკუთრებით კი მას ბავშვები მოარიდეთ, უმჯოებიასია, რომ საერთოდ არ მიუშვათ ისინი მცენარესთან და თუ მაინც მივლენ, საგულდაგულოთ დაბანეთ ხელები. ყველაზე საშიში მისი წვენი და თესლები გახლავთ. მცენარე განსაკუთრებით საშიში მაშინ ხდება, თუ ვინმე მის ღუმელში დაწვას, ანუ შეშად გამოყენებას გადაწყვეტს ან მისი ფოთლების ნაყენს მიირთმევს.
თუ ოლეანდრი რაღაცნაირად ადამიანის ორგანიზმში მოხვდა, იწყება გულ-სისხლძარღვთა ფუნქციის მოშლა. მასთან განსაკუთრებული სიფრთხილე გმართებთ, განსაკუთრებით კი მის წვენს მოერიდეთ: თუ მის გასხვლას გადაწყვეტთ, ყლორტებიდან გადმოსულ წვენს ნუ შეეხებით, სწორედ ამიტომაა ხელთათმანის გამოყენება აუცილებელი, შესაძლებელია, ხელი გაკაწრული გქონდეთ და წვენმა, შემთხვევით, შიგნით შეაღწიოს. არ დაგავიწყდეთ, რომ ოლეანდრი მსოფლიოს შხამიან მცენარეების ათეულში შედის.