7 წევრიანი ოჯახი რისკის შემცველ საცხოვრისში. სახლში, სადაც 5 ბავშვი ცხოვრობს, მდგომარეობა ყოველდღიურად მძიმდება. შენობა ნებისმიერ დროს შეიძლება ჩამოიშალოს, რადგან ამორტიზებულია. სოციალურად დაუცველების გასაჭირს ისიც ემატება, რომ ბაგრატიონებს არც სამსახური აქვთ. სალომე უსტალიშვილი გიამბობთ
ჯემილია ბაგრატიონი ავარიულ სახლში 5 არასრულწლოვან შვილთან ერთად ცხოვრებს, საცხოვრისი იმდენად ავარიულია, რომ რამდენიმე დღის უკან ჭერის ნაწილი ჩამოინგრა. გვიყვება, რომ ყოველი გაწვიმების ეშინია, რადგან ოთახებში ისევე წვიმს როგორც გარეთ. ფანჯრები სიძველისგან ამორტიზებულია. ზამთარში ღუმელით თბებიან, თუმცა ხელისუფლება, როგორც თავად ამბობენ მაღალი სარეიტინგო ქულის გამო შეშის ვაუჩერზე უარს ეუბნება.
ბაგრატიონების კიდევ ერთი გაჭირვება უმუშევრობაა, სოციალურად დაუცველი ოჯახი, ყოველთვიურ შემწეობას მხოლოდ კომუნალურებზე და გადაუდებელ საჭიროებებზე ანაწილებს. ჯემილიას ორი შვილი სკოლის მოსწავლეა, თუმცა ინტერნეტის არ ქონის გამო, ონლაინ გაკვეთილებს ვერ ესწრებიან და პროგრამას ჩამორჩნენ. საკვების შესაძენად თანხა არ ჰყოფნით, ამიტომ პროდუქტს მაღაზიიდან მეტწილად ნისიად ყიდულობენ.
სახლი, სადაც რამდენიმე ოჯახი ერთად ცხოვრობს თავდაცვის სამინისტროს ბალანსზეა. უწყებაში გვითხრეს, რომ ამ ეტაპზე სპეციალური კომისიაა შექმნილი, რომელიც შენობის დაკანონდების პროცედურებზე მუშაობს, ოჯახებს კი სახლის შეკეთების შესაძლებლობა მას შემდეგ ექნებათ.
13
s
s
s