ფსიქოლოგები ამბობენ, რომ ბედნიერების ხარისხს მნიშვნელოვნად განაპირობებს ისიც, თუ როგორი მეგობრები გვყავს სოციალურ ქსელებში.
შესაძლოა, ამაზე არასოდეს გიფიქრიათ, მაგრამ რეალურად, სოციალურ ქსელებში მეგობრების წრეში გვყავს ისეთი ადამიანები, რომელთა პოსტებიც, ფოტოებიც, შეხედულებები სხვადასხვა საკითხებზე, ჩვენზე ნეგატიურად მოქმედებენ.
ფსიქოლოგები გამოყოფენ ადამიანთა 10 ტიპს, რომლებიც ჯობს, „ფეისბუქ“ მეგობრებიდან წაშალოთ.
1. კრიტიკოსები - გყავთ მეგობრებში ადამიანი, რომელიც მუდამ წუწუნებს, ყველაფერს აკრიტიკებს, ყველაფერზე ნეგატიური შეხედულება აქვს. მარტივად რომ ვთქვათ, მისი „ვოლიდან“ ნეგატივის გარდა არაფერი მოდის და ეს ცუდ განწყობაზე გაყენებთ?
2. ყოფილი რომანტიკული პარტნიორი - შესაძლოა, ფიქრობთ რომ ყოფილ რომანტიკულ პარტნიორთან სოციალურ ქსელში მეგობრობა ვერანაირ გავლენას ვერ ახდენს თქვენზე, მაგრამ ფსიქოლოგები ამბობენ, რომ ასე არ არის და ყოველ დღე მისი ბედნიერი ფოტოების ნახვა, მისი ყოველი აქტივობა, ქვეცნობიერად ნეგატიურ განწყობაზე გვაყენებს.
3. ადამიანი, რომელიც თავისი პირადი ცხოვრების დეტალებზე „ფეისბუქში“ წერს - მაგალითად, წერს, თუ რას ჭამს მოცემულ მომენტში, წერს თავისი ჯანმრთელობის მდგომარეობის შესახებ, წერს რომანტიკული ინტერესების შესახებ. აბსოლუტურად ყველაფერზე წერს, რაც რეალურად ადამიანის მხოლოდ პირად სივრცეში უნდა რჩებოდეს.
4. ტროლები - ვფიქრობთ, ხვდებით ტროლებში როგორ ანგარიშებს ვგულისხმობთ. ტროლები მარტივად გამოსაცნობები არიან, ისინი ცდილობენ, რომ ყველაფერში შეგეწინააღმდეგონ, სულელური არგუმენტებით თავიანთი აზრის სისწორეში დაგარწმუნონ და უბრალოდ წყობიდან გამოგიყვანონ. ნურავის მისცემთ ამის უფლებას. უბრალოდ, მშვიდად წაშალეთ ისინი მეგობრებიდან.
5. ახალბედა დედიკოები - ოჰ, გვესმის, რომ მათი წაშლა მარტივი არ არის, რადგანაც შესაძლოა, უახლოესი ადამიანები არიან, მაგრამ რეალურად, ახალბედა დედების უმეტესობა არც ისე სასიამოვნოდ იქცევა. ისინი თავიანთი ჩვილების შესახებ ყველა დეტალს სოციალურ ქსელში პოსტავენ და თან დღის განმავლობაში უამრავჯერ.
6. აქტივისტი - რეალურად, არაფერია ცუდი იმაში, რომ ადამიანი რაიმე სოციალურ აქტივობას ეწევა. იცავს ქალების, ბავშვების, ან მოხუცების უფლებებს, თავისი აქტივობებით ცდილობს დაიცვას გარემო, მაგრამ არიან აქტივისტები, რომლებმაც არ იციან, სად უნდა გაჩერდნენ.
7. ადამიანი, რომელიც გამუდმებით მოგზაურობს - წარმოდგენა არ გაქვთ, როგორ ახერხებს ამას, როგორი სამსახური აქვს მაშინ, როცა მთელი 365 დღის განმავლობაში მოგზაურობს. ამ კვირაში პარიზშია, მომდევნო კვირაში ჰავაიზე და ა.შ. და აქვეყნებს თავლწარმტაც სურათებს მაშინ, როცა თქვენ ერთი მოგზაურობაც ვერ მოგიწყვიათ და ოფისში ხართ, კომპიუტერთან.
8. ტრაბახა ადამიანები - „დღეს ნაგავში მოხუცი რაღაცას ეძებდა, რომ დავინახე ცრემლები წამომივიდა, მივედი და რაც მქონდა, მთელი თანხა მივეცი“ - წაგიკითხავთ მსგავსი შინაარსის ტექსტები თქვენს „ნიუსფიდში“? ასეთი ადამიანები, რეალურად, მხოლოდ ადამიანების ყურადღების მიქცევას ცდილობენ და თქვენგან კომპლიმენტებს და ქებას ელოდებიან.
9. „სელფის“ დედოფალი - ალბათ, ძნელია ვიპოვოთ ისეთი მეგობარი, რომელსაც სოციალურ ქსელში „სელფი“ არ აქვს. ჩვენ, ყველანი ვიღებთ სელფებს და ამაში ცუდი არაფერია. უბრალოდ ვიცავთ რაღაც ზღვარს.
10. მიმებით შეპყრობილი - მიმები სახალისოა და კარგ განწყობაზე გვაყენებს, მაგრამ როცა ადამიანი ყველა იმ მიმს აქვეყნებს, რომელსაც ნახავს, ეს გამაღიზიანებელია. ზოგადად, ყველაფერი გამაღიზიანებელია, რაც ზღვარსგადასულია.
3
s
s
s