05, ოქტომბერი 2020 11:26:00
ტიტე აროშიძემ საარჩევნო კამპანია დროებით შეწყვიტა. „ქართული ოცნების“ ბათუმის მაჟორიტარი დეპუტატობის კანდიდატი, ახლა თვითიზოლაციაში იმყოფება. ყოფილი მინისტრის შვილს კორონავირუსი დაუდასტურდა.
აროშიძის განმარტებით, ბავშვს სიცხე ჰქონდა, ჩაუტარდა პისიარ ტესტირება და პასუხი დადებითი იყო. მისივე ინფორმაციით, ამ ეტაპზე დაავადება უსიმპტომოდ მიმდინარეობს.
რაც შეეხება ტიტე აროშიძის კვლევის შედეგებს, კანდიდატი ამბობს, რომ მისი პასუხი უარყოფითი იყო. საარჩევნო კამპანიას კი იზოლაციის ვადის გასვლის შემდეგ, სავარაუდოდ, ხუთშაბათს დაუბრუნდება.