21, ოქტომბერი 2020 16:26:00
ბათუმის დელფინარიუმის ახალი ბინადარი თავს კარგად გრძნობს. ამჟამად, დედა, პატარა დელფინს სწორ სუნთქვასა და სინქრონულ ცურვას, ასევე კოორდინირებულ მოძრაობას ასწავლის. ახალშობილი ბიჭია და ის დელფინ ცუცას მეორე შვილია. იგი უკვე ერთი კვირისაა და დელფინარიუმის ისტორიაში მეთერთმეტე ახალშობილია. მისთვის სახელი ჯერ არ დაურქმევიათ. ბათუმის დელფინარიუმი ვიზიტორებისთვის დახურულია, თუმცა, თანამშრომლები პანდემიისა და შიდა რეგულაციის შესაბამისი უსაფრთხოების ნორმების დაცვით, მუშაობას სპეციალურ რეჟიმში განაგრძობენ.